怒乜？我问你怒乜野？
晒气。。。
少少既过失需要甘好火气无？
甘好火拿去ＢＢＱ啦。。。
haizzz。。一时火遮眼发言既时候完全无经过大脑分析与思考。
讲野甘火讲左之后大家都吾开心，
点解吾好声好气甘讲出嚟，大家好好甘商量下ｎｅｈ。。
无用，今日俾个Ｅ仔你，吾合格。
好好自我反省。

快乐时间过得特别快眨左三万四千五百六十次眼后，又回到工作既岗位。
无怀疑，根据非正式临床试验统计每个人平均五秒钟就会眨眼一次。
所以历经左４８小时累计落来既结果，
向依两日假期，我一共眨左三万四千五百六十次眼。

难得假期又点会斋坐向屋企眨眼啦。
依个假期眨眼眨得相当之有意义，活得相当之精彩。
事关在下陷于水深火热既世纪大战与世界比赛险境中。
系未觉得有Ｄ玄ｎｅｈ？
其实系甘既。。。
我。。竟然。。。学人搞煮饭仔～
（心里暗暗地重复又重复“嫁得出喇～嫁得出喇～”)
星期六当日力战左２个小时，在我不屈不扰的精神下终于完成左三道菜与一样甜品。
讲既时候突然觉得身后有阵风同水强烈地迎我而来
无错，系威风同威水，甘大个女第一次煮菜。
but点解我会形容煮菜为世纪大战？
信我，一Ｄ都吾浮夸，我讲野从来吾行浮夸路线。
因为我依个“雷”人，煮菜可以煮到两只手指要粘胶布宣布告终。
抛开战后零乱既厨房，偏体鳞伤既双手，跌烂既打果机同埋吾知拿一堆定一“ｐｅｋ”嚟形容既几道菜，
对于第一次煮菜既人嚟讲，都相当之成功既啦，虽然味道欠佳。
原来一餐饭煮得甘艰苦既，从此以后我会珍惜每一粒味精与每一滴酱油。
厨房，命中主定吾系我进入之地，but如果一餐饭可以逗得红颜一笑既话。。。I DO～～～

星期六帮我妈拆完厨房，星期日就出去帮佢拆骨。
咦？此话又何解neh？
无它。。介因我同阿姐阿哥全班去打保龄，拉埋我妈去。即系我所讲既世界大赛。
点知害人终害己，阿妈佢宝刀未老，一落场分数遥遥领先。
一把年纪身体依然健壮得惊人。
我就周身痛，没办法，只怪我弱质纤纤，优雅温顺犹如小绵羊。
无怀疑，脆弱到打字撞击到指腹都於青。
但系你要明白一剎那光辉不代表永恒，
二姐竟然嚟一次全去打,分数一下飙高遥遥领先稳座头位～！
cheh～好叻咩～我都得啦～连续打左几次之后。。。
“系啦系啦。。最巴闭系你啦”
yii。。。等阵，正所谓风水轮流转，都咪话你吾信。
都最后一局我竟然连续两次全去打～
依Ｄ叫咩？叫做临尾显神威～（马后炮）
终结嚟讲，我，就系最终既胜利者。
再一次身后阵阵凉风
细细声：赢左都得吾到胜利之吻，无隐。

依个两日钱又吾会洗好多，又多节目，又享受。
甘既假期边度揾，省钱又高兴。

其实伤心都不过为爱。。同样知活得开心靠爱。。

側田既一首情歌，我最中意依一句词，简单表达而又容易令人产生同感。

爱情系乜？令人心花怒放，同样地令人痛苦万分。问世间情为何物，直教人生死相许。

点解我突然甘感性？系未觉得我有病？

错，错晒。。感性既由来自于一位朋友既爱情故事。

当我听到佢既情况之后，我相当之难受，

平时笑口满脸既佢，今晚竟然以泪洗脸

除左安慰我吾知仲可以做Ｄ乜，果种无能为力既感觉真系好难过。

爱情系未真系甘难以捉摸？你永远不能预测明天，甚至下一秒发生乜事。

其实有时候我都好惊架，当稍为忽略，就开始紧张。

依Ｄ又系未一种太爱既表现？

hmm...或者应该甘讲，无人可以担保或肯定一段情既寿命。

信任与自信就系最佳既维它命，要段情健康坚固Ｄ就喂它“食”维它命

信任对方，都信任自己与自信。

睇左之后系未想回我一句讲就易做就难ｎｅｈ？

错，错晒。。吾应该有甘既念法，

应该系话虽然难，但我会尽我所能。

朋友，我说你行你就行～！

平时嚟依度睇人家既blog就多,
揾下揾下无意中揾返自己半年前开既户口~
依D系未叫左缘分未尽啊?兜兜转转又再让你我相遇...
由于同blogger失散左半年,依家都无乜记得点玩噜~
又要从新去认识过依度既设备...

吓?咩话?点解我之前逗留左半年一篇文章都无post过?
问得好,个答案系.....
因为我delete晒,正所谓旧既吾去新既吾嚟,
作为一位成功人士最基本条件就做人要向前看~!!
虽然我出生到依家都未成功过,but吾紧要,有目标就有希望.



同志们~!加油~!!

我要努力向上，不枉諸君寄望；
我要努力向上，要令朋友滿心歡暢。

hey~青年人要努力，休悲愴休悽涼；
總之但憑我力量，先要堅定我志向。
我若再受挫折，努力但憑力量；
心中滿是悲傷，他朝得意樂洋洋。
良朋、情長，良朋相勉勵情誼難忘，
良朋恩高好比萬丈，良朋解我愁懷愁悵，解我憂鬱沒愁悵。